Skip to content

Ui natu-tshisselitamini

Tipatshimun

Mishta shashish ut, eshpish tatau innuat nanitam eukuan ishi ilniuipan, mishue e mishkat mishue shipu kie peikuan mishue ishpalipan nite tetshe Labrador mak ne shipu St-Laurent, papisse ma ilnuat nite ishpalipan nite tetshe Ungava ka ishinikatet, mak nite kie Baie d’Hudson kie peikuan nite Baie James, mishta kakatak ishpalishipan. E tshisselitakau tshekuanlu e takuat e mitshinanut ne tshitapatakanipan eshi tshishikat, eshi piput, nelu eshi nantuapatakau, nelu e atshitetau tshetshi nite ishpalitau nite nanitam shipu eshpalit nitaipalipan luash eka e nipinlit nite unatuu assiuat, nutshimit, luash e shikuanlit, eukuan shash e takuat tshi nashipanut nite tetshe Uinipekut. Ne eshpish nanitam tshi ishpalitau nite shipu Ashuapmushuan, Mishtashini, Peribonka, Piletipishtuku, Pessamit, Manikuakaneshtiku, Ulamin shipit, Moisie mak eshku mitshetuait, nutam nite nukuanlipan katshi itutetau.

Nite nitassinan, Pessamiulnuateukuan nite mishta uet Manikuakanishtiku mishta apitinupan e mishue ishpalinanut. Nutam nukuanlu nite ka pimutetau mitshetuau nitshenat St-Onge, Collard, Picard, Benoît, Bacon mak Vachon, Mishta milu nakatamuat, uelutshishiulu tshipa inanun nite utenamuat. Pessamiulnuat. Anutshishh kashikalit nutam nan atamipekuat takuan, eka tshe nukanikau tanite e punakanit ashini nen ka tshimakanikau ushkutam Manic 1, Manic 2, Manic 3, Manic 4, Manic 5, uiesh 1950 e tshatshipalit ka itashtet pipun. Kie peikuan ne kupatakan nutam lissapepan, apu tshekuan nukuat nite, kie peikuan nite ka tshimatakanikau mishtikussuap, kie mak patshianitshuap, kie nite ilnuat ka ashteieshkushit nutam atamipekuat takuan, nite kie ka mamuitit ilnuat, kie nite mitshim ka katakanit, nast lassipeu, kie peikuan nite mamu ka tshimitet mitshuap kie peikuan alakuashkan nasht nanan, nutam nana unitaut ilnuat nite ka iaitat nutshimit.

At peikuan nutam nelu ka tutak atusseunlu e tshimitat ushkutim, muku apu tshika tshi itshenimuat nelu eshi tshissilit ka iaitalit ilnu nitshenat mashtel ka papamutet ute nutshimit, apu tshika uni-tshissitat ka ishi neshtuapatit assilu, mak ka ishi neshtuapamat aueshish kie peikuan nutam ilnu.

Tapue uil mishta ait ishinakuan ne Manikuakanishtiku ka ishpish pikupatakanit nite ka atussanut muku uil ka ishpish mishta ishpitelitakau Pessamiulnuat apu nita tshika ut unitshissitakau. Ume anutshish e tutakanit ui pikushelitakanu tshetshi milu uauilakanitau nitshenat auassat, pashe- ka tatu pipuneshat ka kie mak ussinitshishuat ka uapatakau nite e papamutanulit nutshimit eka nita minuat tshe ishinakuat, mak kalapua nanikauiat, tshetshi eka nita uni-tshissitkanlit ka ishpish mishta miluashilit nana nepitakanlit assilu, tshitshue ashtamiakanut ilnuat nite upakassunuat.

Mashinaikan

Ne ka ui uitakanit ne e tutuakanit kalu nite utshipalu ka itutanut nite Uapishka nana uinishku-pishim 2021, mamu tepanat nitshenat ka mishta katshishkutamuakanit Laval ka ishinikatet nitshenat ishkueuat (Justine Gagnon mak Caroline Desbiens) mak kalapua Pessamiulnuat (Moïse Ashini mak Louis-Joseph Vachon) mak kalapa nitshenat nite ka atussetau Nite Uapishka. Nite ka ut itutanut eukuan ne tshetshi milu tshisselitakanlit ilnu eshi kashtukuat nelu Manikuakanishtiku tshi uauitakanit tan tshipa ishi uauitshishinanut mamu tshi atussanut natshe. Nite ka itutanut nite Uapishka ne Justine Gagnon ashit Pessamiulnu e uauitshikut mak kalapua nutam e mashinitshanut tshetshi milu uapatakanit ne assi. mak kalapua nitshenat ilnuat pet utat kie ka tipatshimut ne ka tshimitakanikau ushkutam Nite Nitassinat ute Pessamit, mak kalapua tshetshi milu uapatakanit ka ishi ilniut ilnu nanitam e papuamutet nite unatuu assit kie peikuan etatu kataku (nite ui natshi uapatameku.

(Nitshissituten, mashinaikan eshi ilniutau Pessamilnuat katshi lassipetakanlit utassiuau).

Nitshenat tshe mataupikutatau

Nitshenat tshe nukushitau ue kalu e tutuakanit, tshipa ishinikatanuat « mashtel ilnuat ka kushpit mishue ka itutet nite utassiuat » nitshenat e uauilakanitau ilnuat nite Pessamit. Ne ka ishi uapatakau, ka ishi tipatshimutau nite ut tshitshipalu XXe siècle luash ne pipun 1970. Ushkat tekuat Pessamiu 1851 ka itashtet pipun, mak nite auassat ka pushtashuanit nite Uashat 1952 ka itashtet pipun. Nitshenat ka tipatshimut, eukuan nitshenat ka ishi ilniutau miam ueshkat e papuamitekau nite nutim mamit at ma nelu Upishtikuiau tshishe utshimau ui tutakuat tshetshi eka kushpitau. Miam ka issishuanut nelu kueshpitau tshitshue mishta mamasshianut nite ut 1950 ka itashtet pipun, miam ne ushkat nanamissiu-ishkuteu ka atusseshtakanikau ekue eka tshi pimipalanut nite lakala umeshkanamau ka pimishkat e itutet unatuu-assiuat. Kie nelu ilnuat ka ishi tipatshimut nasht nukuanlu e mishta mishkutshipalit nitshenat ilnuat Mamit tetshe, nasht tshitshue pikupatakanlu ilnu ueshkat ka ishi ilniut.

Ka takunak tshisselitamunlu

Aishkat ka takunak tshisselitamunlu

Uitshi-atussemakanat

Jean Luc Kanapé

Ka uauitshiuet, ka uauitshiuet e mashinaitshanulit tipatshimunlu, uil uitshiueu tan miam tshe ishi mataupukutanulit

Jean Luc Kanapé nite Pessamit utshipalu, aianishkat uikanish shash tshi kushpalu nite tetshe utshu ka Uapashkat. Nelu eshi nitau tipatshimut miam pemishkanulit etelitakuanlit nite Manikuakanishtiku nite uteilit ilnu ka natshishkuat kie peikuan tshishelnu. Jean Luc nite atusseu nite ka tshishpeuatakanit assi, mak kalapua auasse takushilu nite utassit tshi uapataliuet ilnu eshi iilniulit nutshimit, kakusseshisse kie ilnu auasse peikuan. Nikamipan kie nite Petapan ka nikamushilit uitshi nikamuepan kie peikuan ka mataupukutasht itapatshishu. (Nouveau Québec, Sarah Fortin nelu)

Karine Lanoie-Brien

Ka uauitshiuet e tutualit kalu, kassinu ishi uauitshiueu nite atusseun e tutuakanit ne kalu.

Karine Lanoie-Brien, « K », ishi uilakanu, alem tshekuanlu tshi ishi atusseu kassinu tshekuan e kashtaikanit ne e uauitakanit e pamipalitakanit aimun, kie peikuan e uapataliuanut e tshitapataknit tauapekaikan 1997 ka itashtelit pipun tshitshipalipan. Katshi atusseshtak tauapekaikan ka tshitapatakanit miam e nanituapatshet tshekuan tshe nukutakanit ekue nite tetshe ishi tshitutet uil e atusseshtatisht. Mishta alem tshekuanlu uluipalitapan e uilakanit ilnu mak nite ushka eshi takuanlit etat.

Frédérique Alain

Uil ka atusseshtak e uluipaliakanlit kalu

Frédérique Alain : Uil ka tshitapatak nelu e tutualit kalu, tshitshue shutshelitam tshekuanlu e tutak, mak kalapua kushkushiuelu eshpish mishta shutshishimakalit e mishkatelitak tshekuanlu. Nelu pipun 2019 ka tshishtat ka ishi tshishkutamuakanit nite UQAM iapit ka mataupikutau kaluat e uilakanitau, Frédérique nite atussepan nishupipun ishpish nite Wapikoni, ka nanatuapatak tan tshipa ishi uauitshiuanun nite shuliat tetshe, nemelu nissi-pishim 2021, elukun nite e natshi tipelitak nite Terre innue eshi uluipaliakanilit kalu.tshitapameu. Nite pessish tshitshuat aiapit nelu ausshtam kalu e tutuakanlit. Eku umue anutshish uil aiapit tutueu kalu e mataupikutanulit mak ushkikuan tshitshue tatshishkueu.

Kim O’Bomsawin

Uil ka uluipaliat kalu

Kim O’bomsawin, ilnu-ishkueu mishta tshishkutamuanipan esku eka ishi atusset nelu kalu e tutuat mak ka uauitshiuet e tutuiakanilit kalu, alem nelu kanieupan Félix nelu e neshtuapatakanlit utatusseun. Atusseshtam tshetshi neshtuapamakanlit ilnu nutam ute assit eshpitashkamakalit, eukuanlu nelu ua nikan ashtat.
Uil nite ushtikuan nite Terre ilnue ka ishinikateua mak nite Productions Innu Assi nana 2020 ka itashtet pipun uet uil tat, Kim O’Bomsawin uil tshitapatam nutam eshi uluipalit atusseunlu nite Terre Ilnue. Kie peikuan natshi uauitam kie nite alem katshishkuatshetshuapit tshekuanlu eshi aussetau nelu kalu eshi mataupikutanut ilnuat e uauilakanitau kie eshi kashtukuat nutam ilnuat.

Justine Gagnon

Ka ui mishkak ussi tshekuan

Justine Gagnon nite mishta tshishkutamuanipan nite Mulial UQAM mak kie nelu kanuelitam doctorat ka ishinikatetnite kaluat mak assi e uitakanit nite UL. Nelu ausseshtam ilnu-assi tan eshi nanikauishtat mak tan eshi utinakau nelu tshishe-utshimau eshi pimutelit, nite utassiuat e atussanulit eshi uelutashiuimakanit nite atamit assit, mishta kashtukuat nelu iaitutuakanitau nitshant nutam ilnuat ute Upishtikuiau assit mak nite Kanata.

Mali Rock-Hervieux

Ka ulashinataitshet

Pessamit utshiu, Mali Rock-Hervieux, ka ishi pikutat tshekuanlu e uapatak etshi ulashinatik mak kalapua ka nimisht ne pow-wow tekuanikau, mak kalapua kie mishta ashitshiu e uauitshiuet tshekuan e tutakanit nite Pessamit.

Matthew Vachon

Ka taupekaitshesht

Matiu apashtau e nikamut nelu eshinikatakanit Matthew Vachon tshitshue utishinikashun, uil tutam unikamun kie uil nikamu, nite Uashat mak Maliotenam utshipalu nite Upishtakuiau-assit, kanieuipan nishtuau ishpish nelu Félix ka ishinikatakanlit nite ilnuat e uilakanitau nelu pipun 2019, 2020 mak 2021.

Audrey-Lise Rock-Hervieux

Coordonnatrice, traductrice, recherchiste

Audrey-Lise Rock-Hervieux, Ka mashinaitshesht ilnu-ukaumau ishinikatelu, nishilu utauassim ne ilnu-ishkueu, nite utshiu Pessamit ilnu assit. Nite ka mashinaitshet, nutam auenlu tshi natshi uapatamilu, nelu uauitam eshi mamitunelitak, ka auassiut, ka ishi ilniut, eshi uapatak, eshi kukuetshimitisht, etc. Alem tshekuan eshinakut anutshish, mishta milutakuanlu nelu eshi uauitak, apu mishta napeuatshimitisht, kie shatshitun takuan nite, kie pakushelitamun, kie peikuan shutshishiun. Mekuat tshishkutamuakanu eshku, nelu ilnu tshipa ishi takuimataishu mak shash tshekat nelu tshishtau nelu mataupikutanut nipa issishuan. Ka tshitapatak atusseunlu, ka natatumatshet, ka natuapatak tipatshimun

Nadia Koromyslova

Pishe ka tipelitak

Katshi tshishi tshishkutamuakanit nite e tshishe-utshimau atussanulit, Nadia Koromyslova nite atussepan en mashinaitshet tipatshimumashinian mak pamipalitan aimunlu. Nite minuat ekue atusset kaluat e tutuakanitau, nanitam nelu mishta miluatamupan kie mushtenamupan tshetshi ishi atusset. Uauitshiuepan nelu alem kalu e tutuakanlit (Nelu Nous, Analogue Révolution, Les perdants) uil ka takuaitshet mak uil ka nutam tshitapatak nelu eshi atussanuklit. Kie nelu e pimutian ne kalu nelu uitshiku tshi neshtuapamakanit Diffusion Multi-Monde. Mishta alem tshekuanlu atusseshtamupan nite e tat Coopérative la Brique.

Ariane Alain

Pishe e tipelitak ne atusseunlu en postproduction

Ariane nite natshi uitshi-atussemepan nelu Innu Assi neme shiship-pishum. Nelu ashitshikam ilnu assit ka tutakanlit atusseun mak nelu uet miluatak, e uapatak eshi kashtukalit nite ka talit ilnuassit.

Benoît Dame

Ne ka tshitapatak eshi tshikauelit

Benoit Dame (Exsono) eukuan eshi atusset e tshitapatak tan eshi tshikauelit. Shash nishulnue pipun eshpish nelu ishi atusset, mishta milualu utishinikashun nite ka tutualit kalu, mishta pikutau nelu anutshish eshi atussanulit,

Uiauitshimiht